ആട് മേയ്ക്കുന്നതിനിടെ മിന്നലേറ്റ് രണ്ട് പേർ മരിച്ചു; ഒരാൾക്ക് പരുക്ക്

ഗർവ: ഝാർഖണ്ഡിലെ ഗർവ ജില്ലയിൽ മിന്നലേറ്റ് രണ്ട് പേർ മരിച്ചു. ഒരാൾക്ക് പരുക്കേറ്റു. ചൊവ്വാഴ്ച ബാലിഗഢ് ഗ്രാമത്തിലാണ് സംഭവം.

ആഷിഖ് ഖാൻ (50), രാജു ഭൂയാൻ (38) എന്നിവരാണ് മരിച്ചത്. വാഷി ഖാൻ (55) എന്നയാൾക്കാണ് പരുക്കേറ്റത്. കുളത്തിന് സമീപം ആടുകളെ മേയ്ക്കുന്നതിനിടെയാണ് ഇവർക്ക് മിന്നലേറ്റത്. പോസ്റ്റ്‌മോർട്ടം പൂർത്തിയാക്കിയ ശേഷം മൃതദേഹങ്ങൾ ബന്ധുക്കൾക്ക് കൈമാറി. ഗർവ സദർ പൊലീസ് കേസെടുത്തു.