എൻടിഎയുടെ (NTA) വിശ്വാസ്യതയെയും പ്രവർത്തനരീതിയെയും ചോദ്യം ചെയ്തുകൊണ്ട് യൂത്ത് കോൺഗ്രസ് ദേശീയ അധ്യക്ഷൻ ഉദയ് ഭാനു ചിബ് സംസാരിക്കുന്നു. പരീക്ഷാ നടത്തിപ്പിലെ സുതാര്യതയില്ലായ്മ പാവപ്പെട്ട വിദ്യാർഥികളുടെ ഭാവി ഇരുട്ടിലാക്കുന്നു എന്ന് അദ്ദേഹം ആരോപിക്കുന്നു. സ്വകാര്യ വെണ്ടർമാർക്ക് പരീക്ഷാ ചുമതല നൽകുന്നതിലെ മാനദണ്ഡങ്ങളെയും എൻടിഎയുടെ ഓഡിറ്റിങ്ങിനെയും കുറിച്ച് അദ്ദേഹം നിർണായക ചോദ്യങ്ങൾ ഉന്നയിക്കുന്നു. കള്ളപ്പണക്കാരുടെയും ഹവാലക്കാരുടെയും മക്കൾ മാത്രം പണം കൊടുത്ത് വിദ്യാഭ്യാസവും ജോലിയും നേടുന്ന അവസ്ഥയാണ് ബിജെപി ഭരണകാലത്ത് ഉണ്ടായിരിക്കുന്നതെന്നും യൂത്ത് കോൺഗ്രസ് അധ്യക്ഷന്റെ ആരോപണം.
