ദുബായ് അൽ ഖെയ്‌ൽ ഗേറ്റിൽ ഇനി സൗജന്യ പാർക്കിങ്ങ് ഇല്ല

ദുബായ്: ദുബായ് അൽ ഖെയ്‌ൽ ഗേറ്റിൽ 24 മണിക്കൂറും പാർക്കിങ്ങ് നിരക്ക് ഈടാക്കുന്ന പുതിയ പാർക്കിങ്ങ് സോൺ സ്ഥാപിച്ചതായി പാർക്കിൻ കമ്പനി അറിയിച്ചു.365N എന്ന സോണിലാണ് സൗജന്യ പാർക്കിങ്ങ് പൂർണമായും എടുത്തുകളഞ്ഞത്. ഞായറാഴ്ച ഉൾപ്പെടെയുള്ള എല്ലാ ദിവസവും മുഴുവൻ സമയവും ഈ സോണിൽ പാർക്കിങ്ങ് നിരക്ക് ഈടാക്കും. പ്രതിദിന പാർക്കിങ്ങ് നിരക്ക് 30 ദിർഹമാണ്.

പാർക്കിങ്ങ് നിരക്ക് ഇപ്രകാരമാണ്

• 1 മണിക്കൂർ: 4 ദിർഹം

• 2 മണിക്കൂർ: 8 ദിർഹം

• 3 മണിക്കൂർ: 10 ദിർഹം

• 4 മണിക്കൂർ: 12 ദിർഹം

• 5 മണിക്കൂർ: 14 ദിർഹം

• 6 മണിക്കൂർ: 16 ദിർഹം

• 7 മണിക്കൂർ: 18 ദിർഹം

• 8 മണിക്കൂർ: 20 ദിർഹം

• 9 മണിക്കൂർ: 22 ദിർഹം

• 24 മണിക്കൂർ: 30 ദിർഹം

തിരക്കേറിയ സമയങ്ങളിലും പാർക്കിങ്ങ് നിരക്കിൽ മാറ്റമില്ല.

10,000-ത്തിലധികം പുതിയ പാർക്കിംഗ് സ്ഥലങ്ങൾ ചേർത്തതോടെ, ഈ വർഷം ആദ്യ പാദത്തിൽ പാർക്കിൻ കമ്പനി 273.3 ദശലക്ഷം ദിർഹത്തിന്‍റെ റെക്കോർഡ് വരുമാനം നേടി. 2024 ലെ ആദ്യ മൂന്ന് മാസങ്ങളെ അപേക്ഷിച്ച് 27 ശതമാനത്തിന്‍റെ വർധനയാണ് രേഖപ്പെടുത്തിയത്.