യുഎഇ സ്കേറ്റിങ് ചാംപ്യൻഷിപ്പ്: മലയാളി വിദ്യാർഥിനിക്ക് രണ്ട് സ്വർണം

ദുബായ്: സിബിഎസ്ഇ യുഎഇ ക്ലസ്റ്റർ സ്കേറ്റിങ് ചാംപ്യൻഷിപ്പിൽ തൃശൂർ പെരുമ്പിലാവ് സ്വദേശിനിയും ഷാർജ ഇന്ത്യൻ സ്കൂൾ പ്ലസ് വൺ വിദ്യാർഥിനിയുമായ ഹിദ ഫാത്തിമ 2 സ്വർണ മെഡലുകൾ കരസ്ഥമാക്കി.

അണ്ടർ 19 പെൺകുട്ടികളുടെ വിഭാഗത്തിൽ 500 മീറ്റർ, 300 മീറ്റർ ഇനങ്ങളിലാണ് ഹിദ ജേതാവായത്.

ഹംസ - ജാസ്മിൻ ദമ്പതികളുടെ മകളാണ്. കഴിഞ്ഞ വർഷം കർണാടകയിൽ നടന്ന സ്കേറ്റിങ് ചാംപ്യൻഷിപ്പിൽ 2 വെങ്കല മെഡലുകൾ നേടിയിരുന്നു.