ഇന്ധന വില ഗണ്യമായി കുറയും.
ദുബായ്: യുഎഇയിൽ ജൂലൈയിലെ ഇന്ധനവില പ്രഖ്യാപിച്ചു. പെട്രോളിനും ഡീസലിനും വില കുറയും. ജൂണിലെ നിരക്കുകളുമായി താരതമ്യം ചെയ്യുമ്പോൾ പെട്രോൾ, ഡീസൽ വിലകളിൽ ഗണ്യമായ കുറവാണ് വരുത്തിയിരിക്കുന്നത്.
ജൂണിലേതിനെക്കാൾ സൂപ്പർ 98, ഇ-പ്ലസ് പെട്രോളുകൾക്ക് ലിറ്ററിന് 55 ഫിൽസും, സ്പെഷ്യൽ 95-ന് 54 ഫിൽസുമാണ് കുറയുന്നത്. ഡീസൽ ലിറ്ററിന് 73 ഫിൽസ് കുറയും. ആഗോള വിപണിയിലെ മാറ്റങ്ങൾക്ക് അനുസൃതമായാണ് യുഎഇ യിൽ ഓരോ മാസവും ഇന്ധനവില നിർണയിക്കുന്നത്. പുതിയ നിരക്കുകൾ ബുധനാഴ്ച നിലവിൽ വരും.
പുതുക്കിയ നിരക്ക് ഇപ്രകാരം:
സൂപ്പർ 98: ലിറ്ററിന് 3.40 ദിർഹം (3.95 ദിർഹം)
സ്പെഷ്യൽ: ലിറ്ററിന് 3.29 ദിർഹം (3.83 ദിർഹം)
ഇ-പ്ലസ് 91: ലിറ്ററിന് 3.21 ദിർഹം (3.76 ദിർഹം)
ഡീസൽ: ലിറ്ററിന് 3.60 ദിർഹം (4.33 ദിർഹം)
