Sabarimala
ശബരിമലയിൽ ദിലീപിന് 'വിഐപി' ദർശനം; ദേവസ്വം ബോർഡിന്‍റെ വിശദീകരണം തേടി ഹൈക്കോടതി | Video
സിസിടിവി ദൃശ്യങ്ങൾ കൈമാറണമെന്നും കോടതി ആവശ്യപ്പെട്ടിട്ടുണ്ട്.
കൊച്ചി: ശബരിമലയിൽ സിനിമാ താരം ദിലീപിന് വിഐപി പരിഗണന നൽകിയതിൽ ദേവസ്വം ബോർഡിനോട് വിശദീകരണം ആവശ്യപ്പെട്ട് ഹൈക്കോടതി. വിഷയം ചെറുതായി കാണാനാകില്ലെന്നും വെള്ളിയാഴ്ച ഉച്ചയ്ക്കുള്ളിൽ മറുപടി നൽകണമെന്നും സിസിടിവി ദൃശ്യങ്ങൾ കൈമാറണമെന്നും കോടതി ആവശ്യപ്പെട്ടിട്ടുണ്ട്. വ്യാഴാഴ്ച നട അടയ്ക്കുന്നതിന് തൊട്ടു മുൻപാണ് ദിലീപ് ദർശനത്തിനായെത്തിയത്.
ശബരിമലയിൽ ആർക്കും വിഐപി പരിഗണനയോ ഹെലികോപ്റ്റർ സർവീസോ നൽകരുതെന്നും കോടതി മുൻപ് ഉത്തരവിട്ടിരുന്നു. തീർഥാടനത്തിന് എത്തുന്ന എല്ലാവരും സാധാരണ ഭക്തരാണെന്നും കോടതി മുൻപ് നിരീക്ഷിച്ചിട്ടുണ്ട്.
