വെനസ്വേലയില് രക്ഷാപ്രവര്ത്തനം തുടരുന്നു
കാരക്കാസ്: വെനസ്വേലയില് ബുധനാഴ്ചയുണ്ടായ ഇരട്ട ഭൂകമ്പത്തില് 900-ത്തിലധികം പേര് മരിച്ചതായും 3,360 പേര്ക്ക് പരുക്കേല്ക്കുകയും ചെയ്തതായി സര്ക്കാര് ശനിയാഴ്ച അറിയിച്ചു. അപകടത്തില് കാണാതായവര്ക്കു വേണ്ടിയുള്ള തിരച്ചില് തുടരുകയാണ്. നിരവധി പേരെ കാണാതായിട്ടുണ്ട്.
മരണസംഖ്യ ഇനിയും ഉയരാന് സാധ്യതയുണ്ടെന്നാണ് റിപ്പോര്ട്ട്. വെനസ്വേലയുടെ തലസ്ഥാനമായ കാരക്കാസിന് വടക്കുള്ള ലാ ഗ്വെയ്റ മേഖലയിലാണ് ഭൂകമ്പം ഏറ്റവും കൂടുതല് നാശം വിതച്ചത്. ഇവിടെ നിന്ന് മാത്രം രക്ഷാപ്രവര്ത്തകര് രക്ഷപ്പെടുത്തിയത് 243 പേരെയാണ്.
14,000-ത്തിലധികം രക്ഷാപ്രവർത്തകരാണ് ലാ ഗ്വെയ്റ മേഖലയിൽ പ്രവർത്തിക്കുന്നതെന്ന് റോഡ്രിഗസ് പറഞ്ഞു. സൈന്യവും മറ്റ് ഉദ്യോഗസ്ഥരും അവിടെ തകർന്ന അവശിഷ്ടങ്ങൾക്കിടയിൽ തിരച്ചിൽ നടത്തുന്നുണ്ട്. പ്രദേശത്തേക്കുള്ള പ്രവേശനം നിയന്ത്രിച്ചിരിക്കുകയാണ്.
ഭൂകമ്പത്തില് ആശയവിനിമയ സംവിധാനങ്ങളും റോഡുകളും തകര്ന്നതിനാല് അടിയന്തര രക്ഷാപ്രവര്ത്തനത്തിന് ബുദ്ധിമുട്ടുണ്ടാക്കി. തകര്ന്ന കെട്ടിടങ്ങളില് നിന്ന് രക്ഷാപ്രവര്ത്തകര്ക്ക് അധുനിക ഉപകരണങ്ങളൊന്നും ഉപയോഗിക്കാനാവാതെ വെറും കൈകള് കൊണ്ട് കുടുങ്ങിയവരെ പുറത്തെടുക്കേണ്ടി വന്നതായും റിപ്പോര്ട്ടുകളുണ്ട്.
ഐക്യരാഷ്ട്രസഭ 39 സെര്ച്ച് ആന്ഡ് റെസ്ക്യൂ ടീമുകളെയാണ് വിന്യസിച്ചിരിക്കുന്നത്. ടീമിലും 50-100 പേര് ഉള്പ്പെടുന്നതാണ് ഓരോ ടീമും. വെനസ്വേലയിലെ ആരോഗ്യ സംരക്ഷണ സംവിധാനം മോശം നിലയിലായതിനാല് പരുക്കേറ്റവരെ ചികിത്സിക്കാന് ആശുപത്രികള് ബുദ്ധിമുട്ടുകയാണ്. രക്ഷാപ്രവര്ത്തനങ്ങളും മന്ദഗതിയിലാണ് പുരോഗമിക്കുന്നത്. ഇതില് നിരാശരായവര് സന്നദ്ധപ്രവര്ത്തകരുടെ സഹായം തേടുകയാണ്.
വെനസ്വേലയില് ബുധനാഴ്ചയുണ്ടായ ഇരട്ട ഭൂകമ്പത്തിലെ ആദ്യത്തേതിന് 7.2 തീവ്രതയാണ് ഉണ്ടായിരുന്നത്. പിന്നീട് 39 സെക്കന്ഡിനു ശേഷം 7.5 തീവ്രത രേഖപ്പെടുത്തിയ രണ്ടാമത്തെ ഭൂകമ്പവും ഉണ്ടായി. ഭൂകമ്പം വ്യാപകനാശം വിതച്ചിട്ടുണ്ടെന്നാണ് യുഎസ് ജിയോളജിക്കല് സര്വേ (യുഎസ്ജിഎസ്) പറയുന്നത്. മരണസംഖ്യ 10,000 മുതല് 1,00,000 വരെയാകാന് സാധ്യതയുണ്ടെന്ന് യുഎസ്ജിഎസ് പറയുന്നു.
വീണ്ടും ഭൂചലനം
ആയിരത്തോളം പേരുടെ ജീവന് അപഹരിക്കുകയും നിരവധി നാശനഷ്ടങ്ങളുണ്ടാക്കുകയും ചെയ്ത ബുധനാഴ്ചയിലെ ഇരട്ട ഭൂകമ്പത്തിന് ശേഷം വെനസ്വേലയുടെ വടക്കന് തീരത്ത് വെള്ളിയാഴ്ച ഉച്ചതിരിഞ്ഞ് മറ്റൊരു ഭൂകമ്പം ഉണ്ടായി. തലസ്ഥാന നഗരിയായ കാരക്കാസിലും മാറാക്കയിലുമാണ് 4.9 തീവ്രത രേഖപ്പെടുത്തിയ ഭൂകമ്പമുണ്ടായത്.
