ജോ ബൈഡൻ
ന്യൂയോർക്ക്: യുഎസ് മുൻ പ്രസിഡന്‍റ് ജോ ബൈഡന് പ്രോസ്റ്റേറ്റ് ക്യാൻസർ സ്ഥിരീകരിച്ചു. ബൈഡന്‍റെ ഓഫിസ് പുറത്തിറക്കിയ പ്രസ്താവനയിലാണ് ഇക്കാര്യം വെളിപ്പെടുത്തിയിരിക്കുന്നത്. ക്യാൻസർ രോഗം ഗുരുതരമായ അവസ്ഥയിലാണെന്നും വളരെ വേഗത്തിൽ പടരുന്ന ഇനത്തിൽ പെട്ട അർബുദമാണ് 82കാരനായ ബൈഡന് ബാധിച്ചിരിക്കുന്നതെന്നും പ്രസ്താവനയിൽ ഉണ്ട്. പത്തിൽ 9 ഗ്ലീസൺ സ്കോർ ആണ് ബൈഡന്‍റെ അസുഖത്തിന് സ്ഥിരീകരിച്ചിരിക്കുന്നത്.
ഇത് ഗുരുതരാവസ്ഥയാണ്. എന്നാൽ അസുഖം നിയന്ത്രിക്കാൻ സാധിക്കുമെന്നും പ്രസ്താവനയിൽ സൂചിപ്പിച്ചിട്ടുണ്ട്. മൂത്രസംബന്ധമായ പ്രശ്നങ്ങളെത്തുടർന്ന് കഴിഞ്ഞ വെള്ളിയാഴ്ച പരിശോധന നടത്തിയിരുന്നു. പിന്നീടാണ് ക്യാൻസർ സ്ഥിരീകരിച്ചത്. ക്യാൻസർ എല്ലുകളിലേക്കും വ്യാപിച്ചിട്ടുണ്ട്.
