ഫയല് ചിത്രം
ദുബായ്: ഹോര്മൂസില് കടലിടുക്കില് എണ്ണ കപ്പലിനു നേര്ക്ക് ആക്രമണം. കപ്പലിനു തീപിടിച്ചു. ആളപായം റിപ്പോര്ട്ട് ചെയ്തിട്ടില്ല. ചൊവ്വാഴ്ച രാവിലെയാണ് ആക്രമണം ഉണ്ടായത്.
ആക്രമണത്തിനു പിന്നില് ഇറാന് ആണെന്നാണ് സംശയം. എന്നാല് ഇക്കാര്യം സ്ഥിരീകരിച്ചിട്ടില്ല. സംഭവത്തില് ഇറാന് ഇതുവരെ പ്രതികരിച്ചിട്ടില്ല.
യുഎസും ഇറാനും തമ്മില് ഉണ്ടാക്കിയ വെടിനിര്ത്തല് കരാരിന്റെ കാലാവധി അവസാനിച്ചതിനു തൊട്ടുപിന്നാലെയാണ് ഹോര്മൂസില് ടാങ്കറിനു നേരെ ആക്രമണം ഉണ്ടായത്. സംഭവത്തില് യുസ് ഇറാന് തിരിച്ചടി നല്കുമെന്നാണ് സൂചന. യുഎസ് ആക്രമണത്തില് കൊല്ലപ്പെട്ട ഇറാന്റെ പരമോന്നത നേതാവ് ആയത്തുള്ള അലി ഖമനേയിയുടെ സംസ്കാര ചടങ്ങിന്റെ ഭാഗമായാണ് വെടിനിര്ത്തല് കരാര് ഉണ്ടാക്കിയത്.
അതേസമയം യുദ്ധം പൂര്ണമായി അവസാനിപ്പിക്കാന് അന്തിമ സമാധാന കരാറിനുള്ള ചര്ച്ചകള് പുരോഗമിക്കുകയാണ്. പാക്കിസ്ഥാനും ഖത്തറുമാണ് ചര്ച്ചകള്ക്ക് മധ്യസ്ഥത വഹിക്കുന്നത്. ചര്ച്ചയുടെ അടുത്തഘട്ടം പാക്കിസ്ഥാന്റെ തലസ്ഥാനമായ ഇസ്ലാമാബാദില് നടക്കുമെന്നാണ് റിപ്പോര്ട്ട്
