നരേന്ദ്രമോദി
ന‍്യൂഡൽഹി: ജി 7 ഉച്ചകോടിയിലേക്ക് പ്രധാനമന്ത്രി നരേന്ദ്രമോദിയെ ക്ഷണിച്ച് കനേഡിയൻ പ്രധാനമന്ത്രി മാർക്ക് കാർണി. കാനഡയിൽ വച്ചു നടക്കുന്ന ഉച്ചകോടിയിൽ പങ്കെടുക്കുമെന്നും ക്ഷണം ലഭിച്ചതിൽ സന്തോഷമുണ്ടെന്നും മോദി എക്സ് അക്കൗണ്ടിലൂടെ അറിയിച്ചു. നയതന്ത്ര ബന്ധം ഉൾപ്പെടെ ഇന്ത‍്യയും കാനഡയും തമ്മിലുള്ള ബന്ധം നേരത്തെ വഷളായിരുന്നു.
ഈ സാഹചര‍്യത്തിലാണ് ഉച്ചക്കോടിയിൽ പങ്കെടുക്കുന്നതിന് കനേഡിയൻ പ്രധാനമന്ത്രിയിൽ നിന്നും ക്ഷണം ലഭിച്ചിരിക്കുന്നത്. ഉച്ചക്കോടിയിൽ അമെരിക്കൻ പ്രസിഡന്‍റ് ഡൊണാൽഡ് ട്രംപുമായി പ്രധാനമന്ത്രി കൂടിക്കാഴ്ച നടത്തിയേക്കും.
