പാക്കിസ്ഥാനിൽ ചാവേറാക്രമണം; 10 ടിടിപി ഭീകരരെ വധിച്ചതായി സൈന്യം
കറാച്ചി: പാക്കിസ്ഥാനിൽ ചാവേറാക്രമണം. ഖൈബർ പഖ്തൂൺഖ്വയിലെ തെക്കൻ വസീറിസ്ഥാൻ ജില്ലയിലെ ഫ്രോണ്ടിയർ കോർപ്സ് ക്യാമ്പിന് സമീപമാണ് ചാവേർ ആക്രമണമുണ്ടായത്. പിന്നാലെ തിരിച്ചടിച്ച പാക്കിസ്ഥാൻ സൈന്യം തെഹ്രീക്-ഇ-താലിബാൻ പാകിസ്ഥാൻ (TTP) നുമായി ബന്ധപ്പെട്ട 10 തീവ്രവാദികളെ വധിച്ചതായി റിപ്പോർട്ടുകൾ.
ജൻഡോല ചെക്ക്പോസ്റ്റിൽ തീവ്രവാദികൾ ആക്രമണം നടത്താൻ ശ്രമിച്ചതായും ഫ്രോണ്ടിയർ കോർപ്സ് ക്യാമ്പിന് സമീപമുള്ള വാഹനത്തിൽ ഒരു ചാവേർ ബോംബർ സ്വയം പൊട്ടിത്തെറിച്ചതായും പാകിസ്ഥാൻ സുരക്ഷാ സേന അറിയിച്ചു. പാക്കിസ്ഥാനിൽ ഭീകരർ ട്രെയിൻ തട്ടിയെടുത്തതിനു പിന്നാലെയാണ് പുതിയ ആക്രമണം. 440 യാത്രക്കാരുമായി പോയ ട്രെിനാണ് ഭികരർ തട്ടിയെടുത്തത്.
