ചെന്നൈ: ഏഷ്യന് ചാമ്പ്യന്സ് ട്രോഫി ഹോക്കി സെമി ഫൈനലിൽ ഇന്ത്യ ഇന്ന് ജപ്പാനെ നേരിടും. രാത്രി 8.30 നാണ് മത്സരം.
അഞ്ച് മത്സരങ്ങളിൽ തോൽവികളില്ലാതെ നാല് വിജയവും ഒരു സമനിലയുമടക്കം 13 പോയിന്റുമായി ഗ്രൂപ്പിലെ ഒന്നാം സ്ഥാനക്കാരായാണ് ഇന്ത്യ സെമി ഫൈനലിൽ പ്രവേശിച്ചത്. അവസാന മത്സരത്തില് പാകിസ്ഥാനെ എതിരില്ലാത്ത നാല് ഗോളുകള്ക്ക് തകർക്കുകയായിരുന്നു.
മത്സരത്തിൽ ഇന്ത്യയ്ക്കായി ജുഗരാജ് സിങ്, ആകാശ്ദീപ് സിങ് എന്നിവർ ഓരോ ഗോൾ വീതം നേടിയപ്പോൾ ഹർമൻപ്രീത് സിങ് രണ്ടു ഗോളുകളും നേടി. ഏഷ്യന് ചാംപ്യന്സ് ട്രോഫിയില് ഇന്ത്യ മൂന്നു വട്ടം ജേതാക്കളായിട്ടുള്ള ഇന്ത്യ ലോക റാങ്കിങ്ങില് 4-ാം സ്ഥാനത്താണുള്ളത്.
