"വാരിയെല്ലുകളും വിരലും ഒടിഞ്ഞിരുന്നു"; ചഹൽ ഐപിഎൽ കളി‌ച്ചത് ഗുരുതര പരുക്കുകളോടെ

ന്യൂഡൽഹി: ക്രിക്കറ്റ് താരം യുസ്‌വേന്ദ്ര ചഹൽ ഐപിഎല്ലിൽ കളിച്ചത് ഗുരുതര പരുക്കുകളോടെയെന്ന് സുഹൃത്ത് ആർ ജെ മഹ്‌വാഷിന്‍റെ വെളിപ്പെടുത്തൽ. സമൂഹമാധ്യമത്തിലൂടെയാണ് ഇക്കാര്യം പങ്കു വച്ചിരിക്കുന്നത്.

ഐപിഎൽ ആരംഭിച്ചതിനുപിന്നാലെ ചഹലിന്‍റെ വാരിയെല്ലുകൾക്കും വിരലിനും ഒടിവു സംഭവിച്ചിരുന്നു. സീസണിൽ ഉടനീളം ആ വേദന സഹിച്ചു കൊണ്ടാണ് ചഹൽ കളിച്ചത്.

ചഹലിലെ പോരാട്ട വീര്യമാണതെന്ന് മഹ്‌വാഷ് പറയുന്നു. പഞ്ചാബ് കിങ്സ് താരമാണ് ചെഹൽ. ഫൈനലിൽ ആർസിബിയോടെ പഞ്ചാബ് പരാജയപ്പെട്ടിരുന്നു. സീസണിൽ 14 മത്സരങ്ങളാണ് ചഹൽ കളിച്ചത്. 16 വിക്കറ്റുകളും നേടി.