എസ്. ശ്രീശാന്ത്, ശാന്തകുമാരൻ നായർ
കൊച്ചി: മുൻ ഇന്ത്യൻ ക്രിക്കറ്റ് താരം എസ്. ശ്രീശാന്തിന്റെ പിതാവ് ശാന്തകുമാരൻ നായർ അന്തരിച്ചു. 89 വയസായിരുന്നു. കൊച്ചിയിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് അന്ത്യം. വിദേശത്ത് നിന്നും ബന്ധുക്കളെത്തിയ ശേഷം മൃതദേഹം ആശുപത്രിയിൽ നിന്നും കുടുംബവീട്ടിലേക്ക് എത്തിക്കും.
ഞായറാഴ്ച രാവിലെ 10 മുതൽ ഉച്ചയ്ക്ക് 2 മണി വരെ കോതമംഗലം തറവാട്ടിൽ പൊതുദർശനത്തിന് വച്ച ശേഷം വൈകീട്ട് നാലുമണിക്ക് സംസ്കാരം നടത്തും. ഭാര്യ: ടി.എൻ. സാവിത്രിദേവി മക്കൾ: നിവേദിത, ദീപുശാന്ത്, ദിവ്യ, ശ്രീശാന്ത്
