വിജയാഘോഷത്തിനിടെ ചാട്ടം പിഴച്ചു; ഇംഗ്ലണ്ട് താരം ആശുപത്രിയിൽ|Video

ടെക്സസ്: മെക്സിക്കോയെ തോൽപ്പിച്ചതിന്‍റെ വിജയാഘോഷത്തിനിടെ ഇംഗ്ലണ്ട് താരത്തിന്‍റെ കൈക്ക് പരുക്ക്. ഇംഗ്ലണ്ട് മിഡ് ഫീൽഡർ ജോർദൻ ഹെൻഡേഴ്സണാണ് പരുക്കേറ്റത്. ജോർദൻ മെക്സിക്കോക്കെതിരേയുള്ള മാച്ചിൽ കളിച്ചിരുന്നില്ല. 3-2 സ്കോറിൽ ഇംഗ്ലണ്ട് ജയിച്ചതിനു പിന്നാലെ നടത്തിയ ആഘോഷമാണ് പരുക്കിന് കാരണമായത്.

മൈതാനത്തിനവു ചുറ്റുമുള്ള പരസ്യ ഹോർഡിങ് ചാടിക്കടക്കാൻ ശ്രമിക്കുന്നതിനിടെ ജോർദാൻ താഴെ വീഴുകയായിരുന്നു.

കൈയ്ക്ക് പരുക്കേറ്റതിനെത്തുടർന്ന് വേദന കൊണ്ട് പുളഞ്ഞ ജോർദനെ ഉടൻ ആശുപത്രിയിലെത്തിച്ചു. ക്വാർട്ടർ ഫൈനലിൽ ഇംഗ്ലണ്ട് നോർവേയെയാണ് നേരിടുന്നത്.