ഹർഷിത് റാണ, മുഹമ്മദ് സിറാജ്
ന്യൂഡൽഹി: ഫെബ്രുവരി 7ന് ഇത്തവണത്തെ ടി20 ലോകകപ്പ് ഇന്ത്യയിലും ശ്രീലങ്കയിലുമായി ആരംഭിക്കാനിരിക്കെ പരുക്കേറ്റ ഇന്ത്യൻ പേസർ ഹർഷിത് റാണയ്ക്ക് പകരം മുഹമ്മദ് സിറാജിനെ ടീമിൽ ഉൾപ്പെടുത്തിയേക്കുമെന്ന് റിപ്പോർട്ട്. ഒരു ദേശീയ മാധ്യമമാണ് ഇക്കാര്യം റിപ്പോർട്ട് ചെയ്തതെങ്കിലും ബിസിസിഐ ഔദ്യോഗികമായി സ്ഥിരീകരിച്ചിട്ടില്ല.
ബൗളിങ്ങിനു പുറമെ തരക്കേടില്ലാതെ ബാറ്റിങ്ങിലും പിടിയുള്ള ഹർഷിത് റാണയുടെ അഭാവം ഇന്ത്യയ്ക്ക് തിരിച്ചടിയാകും. ഫെബ്രുവരി 7ന് മുംബൈ വാംഖഡെ സ്റ്റേഡിയത്തിൽ അമെരിക്കയ്ക്കെതിരേയാണ് ഇന്ത്യയുടെ ആദ്യ മത്സരം.
