നത്തിങ് 3 എ സീരീസ് അൺബോക്സ് ചെയ്ത് റോബോട്ട്; ഉടൻ വിപണിയിലേക്ക്
ലോകത്താദ്യമായി റോബോട്ടിന്‍റെ സഹായത്തോടെ സ്മാർട്ട്ഫോൺ അൺബോക്സ് ചെയ്ത് നത്തിംഗ്. നോർവീജിയൻ കമ്പനിയായ 1x എക്സ് രൂപകൽപ്പന ചെയ്ത ഹ്യൂമനോയ്ഡ് റോബോട്ടായ നിയോ ഗാമയുടെ സഹായത്തോടെയാണ് നത്തിങ് 3 എ സീരീസ് പുറത്തിറക്കിയത്. ലണ്ടൻ ആസ്ഥാനമായുള്ള ടെക്നോളജി കമ്പനിയായ നത്തിംഗ്, ഉടൻ വിപണിയിലിറക്കുന്ന ഫോൺ (3 എ) സീരീസിന്‍റെ പൂർണ്ണമായ ഡിസൈനാണ് പുറത്തിറക്കിയത്.
അതേസമയം, ഡിസൈൻ ഡയറക്ടർ ആദം ബേറ്റ്സ് നത്തിംഗിന്റെ യൂട്യൂബ് ടീമിനൊപ്പം സമയം ചെലവഴിച്ച ഡിസൈൻ പ്രക്രിയ/ പ്രചോദനങ്ങൾ, ഫോൺ (3 എ) സീരീസിലെ പെരിസ്കോപ്പ് ക്യാമറ ലേഔട്ടിന്‍റെ സവിശേഷത എന്നിവയെക്കുറിച്ച് ആഴത്തിൽ പഠിച്ചു.
ഫോൺ (3 എ) സീരീസിന്‍റെ പൂർണ്ണമായ ഫീച്ചറുകൾ മാർച്ച് 4 ന് വൈകുന്നേരം 3:30 ന് വെളിപ്പെടുത്തും. ലോഞ്ച് വീഡിയോ നത്തിംഗിന്റെ യൂട്യൂബ് ചാനലിലും nothing.tech എന്നതിലും ഹോസ്റ്റ് ചെയ്യും.
