BULLS & BEARS | ഉദയഭാനു

ധ​ന​കാ​ര്യ സ്ഥാ​പ​ന​ങ്ങ​ള്‍ ബ്ലൂ​ചി​പ്പ് ഓ​ഹ​രി​ക​ളി​ല്‍ നി​ക്ഷേ​പ​ത്തി​ന് കാ​ണി​ച്ച ഉ​ത്സാ​ഹം ഇ​ന്ത്യ​ന്‍ മാ​ര്‍ക്ക​റ്റ് തു​ട​ര്‍ച്ച​യാ​യ മൂ​ന്നാം വാ​ര​ത്തി​ലും തി​ള​ങ്ങാ​ന്‍ അ​വ​സ​ര​മൊ​രു​ക്കി. കോ​ര്‍പ്പ​റേ​റ്റ് മേ​ഖ​ല മി​ക​ച്ച പ്ര​വ​ര്‍ത്ത​ന ഫ​ല​ങ്ങ​ള്‍ പു​റ​ത്തു​വി​ടു​മെ​ന്ന പ്ര​തീ​ക്ഷ​ക​ളും മ​ണ്‍സൂ​ണ്‍ അ​നു​കൂ​ല​മാ​യെ​ന്ന വി​ല​യി​രു​ത്ത​ലു​ക​ളും വി​ദേ​ശ ഓ​പ്പ​റേ​റ്റ​ര്‍മാ​രെ പു​തി​യ ബാ​ധ്യ​ത​ക​ള്‍ ഏ​റ്റെ​ടു​ക്കാ​ന്‍ പ്രേ​രി​പ്പി​ച്ചു.

ബോം​ബെ സൂ​ചി​ക 780 പോ​യി​ന്‍റും നി​ഫ്റ്റി 232 പോ​യി​ന്‍റും ക​ഴി​ഞ്ഞ​വാ​രം ഉ​യ​ര്‍ന്നു. പി​ന്നി​ട്ട മൂ​ന്നാ​ഴ്ച​ക​ളി​ല്‍ സെ​ന്‍സെ​ക്സ് 3080 പോ​യി​ന്‍റും നി​ഫ്റ്റി 897 പോ​യി​ന്‍റും നേ​ട്ട​ത്തി​ലാ​ണ്. ബു​ള്‍ ഓ​പ്പ​റേ​റ്റ​ര്‍മാ​രു​ടെ സം​ഘ​ടി​ത നീ​ക്ക​വും വി​പ​ണി​യു​ടെ സാ​ങ്കേ​തി​ക ച​ല​ന​ങ്ങ​ളും വി​ല​യി​രു​ത്തി​യാ​ല്‍ നി​ഫ്റ്റി​യു​ടെ ദൃ​ഷ്ടി 20,000ലേ​ക്കും സെ​ന്‍സെ​ക്സ് 67,650 പോ​യി​ന്‍റി​ലേ​ക്കും വ​രും ആ​ഴ്ച​ക​ളി​ല്‍ സ​ഞ്ച​രി​ക്കാ​നു​ള്ള സാ​ധ്യ​ത​ക​ള്‍ക്ക് ശ​ക്തി​യേ​റു​ന്നു.

ബി​എ​സ്ഇ ഐ​ടി ഇ​ന്‍ഡ​ക്സ് അ​ഞ്ച് ശ​ത​മാ​ന​ത്തി​ന​ടു​ത്തും മെ​റ്റ​ല്‍ ഇ​ന്‍ഡ​ക്സ് മൂ​ന്ന് ശ​ത​മാ​ന​ത്തി​ല​ധി​ക​വും ക​യ​റി. ബി​എ​സ്ഇ പ​വ​ര്‍, ക​ണ്‍സ്യൂ​മ​ർ ഡ്യൂ​റ​ബി​ൾ​സ് സൂ​ചി​ക​ക​ളും പോ​യ​വാ​രം മി​ക​വി​ലാ​ണ്. ഇ​ന്‍ഫോ​സി​സ് ഓ​ഹ​രി വി​ല ആ​റ് ശ​ത​മാ​നം ഉ​യ​ര്‍ന്ന് 1425 രൂ​പ​യാ​യി. അ​ഞ്ച് ശ​ത​മാ​നം മി​ക​വി​ല്‍ ടി​സി​എ​സ് 3512 രൂ​പ​യാ​യി. ടെ​ക് മ​ഹീ​ന്ദ്ര, വി​പ്രോ, ടാ​റ്റാ സ്റ്റീ​ല്‍, ആ​ര്‍ഐ​എ​ല്‍, സ​ണ്‍ ഫാ​ര്‍മ, എ​യ​ര്‍ടെ​ല്‍, ഐ​സി​ഐ​സി​ഐ ബാ​ങ്ക് ഓ​ഹ​രി​ക​ളി​ല്‍ വി​ദേ​ശ ഫ​ണ്ടു​ക​ള്‍ താ​ത്പ​ര്യം കാ​ണി​ച്ചു. എ​ച്ച്‌​യു​എ​ല്‍, മാ​രു​തി, എ​സ്ബി​ഐ, എ​ച്ച്ഡി​എ​ഫ്സി ബാ​ങ്ക്, എ​ച്ച്സി‌​എ​ല്‍ തു​ട​ങ്ങി​യ​വ ലാ​ഭ​മെ​ടു​പ്പി​ല്‍ അ​ല്‍പ്പം ത​ള​ര്‍ന്നു.

ബോം​ബെ സൂ​ചി​ക തു​ട​ക്ക​ത്തി​ലെ 65,280ല്‍ ​നി​ന്നും നേ​ട്ട​ത്തോ​ടെ​യാ​ണ് വ്യാ​പാ​രം പു​നഃ​രാ​രം​ഭി​ച്ച​ത്. വി​ദേ​ശ ഫ​ണ്ടു​ക​ള്‍ ഹെ​വി​വെ​യ്റ്റ് ഓ​ഹ​രി​ക​ളി​ല്‍ പി​ടി​മു​റു​ക്കി​തോ​ടെ റെ​ക്കോ​ഡാ​യ 66,159 പോ​യി​ന്‍റ് വ​രെ സൂ​ചി​ക ചു​വ​ടു​വെ​ച്ചു. വാ​രാ​ന്ത്യം സെ​ന്‍സെ​ക്സ് ച​രി​ത്ര​ത്തി​ലെ ഏ​റ്റ​വും ഉ​യ​ര്‍ന്ന ക്ലോ​സി​ങ്ങാ​യ 60,060 പോ​യി​ന്‍റി​ലാ​ണ്. ഈ ​വാ​രം 66,398ലെ ​ആ​ദ്യ​പ്ര​തി​രോ​ധം മ​റി​ക​ട​ക്കാ​നാ​യാ​ല്‍ അ​ടു​ത്ത ചു​വ​ടു​വെ​പ്പി​ല്‍ സൂ​ചി​ക 66,737നെ ​കൈ​പി​ടി​യി​ലൊ​തു​ക്കാ​ന്‍ ശ്ര​മം ന​ട​ത്തും. വി​പ​ണി​യു​ടെ താ​ങ്ങ് 65,481- 64,903 പോ​യി​ന്‍റി​ലാ​ണ്.

ദേ​ശീ​യ ഓ​ഹ​രി സൂ​ചി​ക​യാ​യ നി​ഫ്റ്റി 19,331ല്‍ ​നി​ന്നു​ള്ള കു​തി​പ്പി​ല്‍ 19,523ലെ ​റെ​ക്കോ​ഡ് ത​ക​ര്‍ത്ത് 19,595ലേ​ക്ക് ഉ​യ​ര്‍ന്നു. എ​ന്നാ​ല്‍ ഉ​യ​ര്‍ന്ന ത​ല​ത്തി​ല്‍ ഓ​പ്പ​റേ​റ്റ​ര്‍മാ​ര്‍ ലാ​ഭ​മെ​ടു​പ്പി​ന് രം​ഗ​ത്തി​റ​ങ്ങി​യ​തി​നാ​ല്‍ മാ​ര്‍ക്ക​റ്റ് ക്ലോ​സി​ങ്ങി​ല്‍ സൂ​ചി​ക അ​ല്‍പ്പം ത​ള​ര്‍ന്ന് 19,564 പോ​യി​ന്‍റി​ലാ​ണ്. ഇ​തി​നി​ട​യി​ല്‍ ക​ഴി​ഞ്ഞ​വാ​രം വ്യ​ക്ത​മാ​ക്കി​യ ര​ണ്ടാം പ്ര​തി​രോ​ധ​മാ​യ 19,566ന് ​മു​ക​ളി​ല്‍ ക്ലോ​സി​ങ്ങി​ല്‍ നി​ഫ്റ്റി​ക്ക് ഇ​ടം ക​ണ്ടെ​ത്താ​നാ​വാ​ഞ്ഞ​ത് വീ​ണ്ടും വി​ല്‍പ്പ​ന സ​മ്മ​ര്‍ദ​ത്തി​ന് ഇ​ട​യാ​ക്കു​മോ​യെ​ന്ന ആ​ശ​ങ്ക​യി​ലാ​ണ് ഒ​രു വി​ഭാ​ഗം ഓ​പ്പ​റേ​റ്റ​ര്‍മാ​ര്‍. നി​ഫ്റ്റി 19,664 പോ​യി​ന്‍റി​ലെ ആ​ദ്യ​ത​ട​സം മ​റി​ക​ട​ന്നാ​ലും 19,764 വീ​ണ്ടും പ്ര​തി​രോ​ധം നേ​രി​ടാം. വി​പ​ണി​യു​ടെ താ​ങ്ങ് 19,394-19,224 പോ​യി​ന്‍റി​ലാ​ണ്. നി​ഫ്റ്റി ഫ്യൂ​ച്ച​റി​ല്‍ ഓ​പ്പ​ണ്‍ ഇ​ന്‍റ​റ​സ്റ്റ് ബു​ള്‍ സാ​ന്നി​ധ്യ​ത്തി​ല്‍ വീ​ണ്ടും ഉ​യ​ര്‍ന്ന് 124 ല​ക്ഷ​ത്തി​ലേ​ക്ക് ക​യ​റി.

ഫോ​റെ​ക്സ് മാ​ര്‍ക്ക​റ്റി​ല്‍ യു​എ​സ് ഡോ​ള​റു​മാ​യു​ള്ള വി​നി​മ​യ​ത്തി​ല്‍ രൂ​പ ക​രു​ത്ത് നേ​ടി. രൂ​പ​യു​ടെ മൂ​ല്യം 82.74ല്‍ ​നി​ന്നും 81.89ലേ​ക്ക് ശ​ക്തി പ്രാ​പി​ച്ച​ശേ​ഷം വാ​രാ​ന്ത്യം 82.16ലാ​ണ്. ഡോ​ള​റി​നെ ഒ​ഴി​വാ​ക്കി ഇ​ന്ത്യ​യും യു​എ​ഇ​യും രൂ​പ ദി​ര്‍ഹം അ​ടി​സ്ഥാ​ന​ത്തി​ല്‍ വ്യാ​പാ​ര​ത്തി​ന് ധാ​ര​ണ​യാ​യ​ത് വി​നി​മ​യ വി​പ​ണി​യി​ല്‍ ഇ​രു​രാ​ജ്യ​ങ്ങ​ള്‍ക്കും നേ​ട്ട​മാ​കും.

ആ​ഭ്യ​ന്ത​ര ഫ​ണ്ടു​ക​ള്‍ വി​ല്‍പ്പ​ന​യ്ക്ക് മു​ൻ​തൂ​ക്കം ന​ല്‍കി. അ​വ​ര്‍ മൊ​ത്തം 1976 കോ​ടി രൂ​പ​യു​ടെ വി​ല്‍പ്പ​ന​യും 725 കോ​ടി​യു​ടെ നി​ക്ഷേ​പ​വും ന​ട​ത്തി. അ​തേ​സ​മ​യം വി​ദേ​ശ ധ​ന​കാ​ര്യ സ്ഥാ​പ​ന​ങ്ങ​ള്‍ 6659 കോ​ടി രൂ​പ​യു​ടെ ഓ​ഹ​രി​ക​ള്‍ വാ​രി​ക്കൂ​ട്ടി. ഇ​തി​നി​ട​യി​ല്‍ 1242 കോ​ടി​യു​ടെ വി​ല്‍പ്പ​ന​യും ന​ട​ത്തി.

ആ​ഗോ​ള വി​പ​ണി​യി​ല്‍ സ്വ​ര്‍ണം ഒ​രി​ക്ക​ല്‍ കൂ​ടി തി​ള​ങ്ങി. ന്യൂ​യോ​ര്‍ക്ക് എ​ക്സ്ചേ​ഞ്ചി​ല്‍ സ്വ​ര്‍ണ വി​ല ട്രോ​യ് ഔ​ണ്‍സി​ന് 1924 ഡോ​ള​റി​ല്‍ നി​ന്നും 1954ലേ​ക്ക് ക​യ​റി.