ഇൻഡോ ടിബറ്റൻ ബോർഡർ പോലീസ് ഫോഴ്സിൽ കോൺസ്‌റ്റബിൾ (കിച്ചൻ സർവീസസ്) തസ്‌തികയിൽ 819 ഒഴിവിലേക്ക് ഉടൻ വിജ്‌ഞാപനമാകും. സ്ത്രീകൾക്കും അവസരം.

സെപ്റ്റംബർ 2 മുതൽ ഒക്‌റ്റോബർ 1 വരെ ഓൺലൈനായി അപേക്ഷിക്കാം. ഗ്രൂപ്പ് സി നോൺ ഗസറ്റഡ്, നോൺ മിനിസ്‌റ്റീരിയൽ തസ്‌തികയാണ്. താൽക്കാലിക നിയമനം. പിന്നീടു സ്ഥിരപ്പെടുത്തിയേക്കാം. ഒഴിവുകളുടെ എണ്ണത്തിൽ മാറ്റം വരാം.

യോഗ്യത: പത്താം ക്ലാസ് ജയം, നാഷനൽ സ്‌കിൽ ഡെവലപ്‌മെന്‍റ് കോർപറേഷന്‍റെ എൻഎസ്‌ക്യുഎഫ് (ഫുഡ് പ്രൊഡക്‌ഷൻ, കിച്ചൻ) ലെവൽ 1 കോഴ്‌സ് ജയം.

പ്രായം: 18-25. അപേക്ഷാ ഫീസ്: 100 രൂപ. സ്ത്രീകൾക്കും പട്ടികജാതി, പട്ടിക വിഭാഗം ഉദ്യോഗാർഥികൾക്കും വിമുക്തഭടന്മാർക്കും ഫീസില്ല.

തെരഞ്ഞെടുപ്പ്: എഴുത്തുപരീക്ഷ, കായികക്ഷമതാ പരീക്ഷ, വൈദ്യ പരിശോധന എന്നിവയുടെ അടിസ്‌ഥാനത്തിൽ.

വിശദവിവരങ്ങൾ വെബ്സൈറ്റിൽ (https://recruit ment. itbpolice.nic.in) പ്രസിദ്ധീകരിക്കും.