മുംബൈ: കങ്കണ റണാവത്തിന്‍റെ'എമർജൻസി' എന്ന ചിത്രത്തിന് ഉടൻ സർട്ടിഫിക്കറ്റ് നൽകാൻ ബോംബെ ഹൈക്കോടതി വിസമ്മതിച്ചു. മുൻ പ്രധാനമന്ത്രി ഇന്ദിരാഗാന്ധിയുടെ ജീവിതത്തെ ആസ്പദമാക്കി റണാവത്ത് രചനയും സംവിധാനവും നിർമ്മാണവും നിർവ്വഹിക്കുന്ന എമർജൻസി എന്ന സിനിമയുടെ സഹനിർമ്മാതാവായ സീ സ്റ്റുഡിയോസ് സമർപ്പിച്ച ഹർജി പരിഗണിക്കുകയായിരുന്നു രണ്ടംഗ ബെഞ്ച്.

സെപ്തംബർ 6 ന് ചിത്രം തിയേറ്ററുകളിലെത്തുമെന്ന് കരുതിയിരുന്നെങ്കിലും സിഖുകാരെ ചിത്രീകരിക്കുന്നതിലും ചരിത്രപരമായ വസ്തുതകളുടെ കൃത്യതയിലും സിഖ് സംഘടനകൾ ആശങ്ക ഉന്നയിച്ചതിനെ തുടർന്ന് മാറ്റിവയ്ക്കുകയായിരുന്നു.