എടി സിനിമാസിന്‍റെ ബാനറിൽ ഗോകുലം തുളസീധരൻ നിർമിച്ച് സത്യദാസ് കാഞ്ഞിരംകുളം രചന നിർവഹിച്ച് സംവിധാനം ചെയ്യുന്ന 'ഇല്ലിക്കൽ റിവഞ്ച്' എന്ന സിനിമയുടെ ആദ്യ പോസ്റ്റർ, സുൽത്താൻബത്തേരി താളൂർ അൾട്ടി ബോസ് സ്റ്റുഡിയോയിൽ പ്രകാശിതമായി.

കോളെജ് പശ്ചാത്തലത്തിൽ ഇതൾ വിരിയുന്ന പ്രണയകഥയും തുടർന്നുണ്ടാകുന്ന സംഭവവികാസങ്ങളും കോമഡിയും ആക്ഷനും സമന്വയിപ്പിച്ച് അവതരിപ്പിക്കുന്ന ത്രില്ലർ ചിത്രമാണ് ഇല്ലിക്കൽ റിവഞ്ച്.

ഉടൻ ചിത്രീകരണമാരംഭിക്കുന്ന ചിത്രത്തിൽ പുതുമുഖങ്ങളോടൊപ്പം മലയാളത്തിലെ പ്രശസ്ത താരങ്ങളും അഭിനയിക്കുന്നു. വയനാട്, ഊട്ടി, മൈസൂർ എന്നിവിടങ്ങളാണ് ലൊക്കേഷൻ.

എഡിറ്റിംഗ്, ഛായാഗ്രഹണം - വിവേക് വിൻസന്‍റ്, സംഗീതം - ഗോപൻ സാഗരി, ഗാനരചന - രാജേഷ് അറപ്പുര, വിനോദ്, അജിത് ഊരൂട്ടമ്പലം, ഗീതാ ഭാസ്‌കർ, ചീഫ് അസ്സോസിയേറ്റ് ഡയറക്റ്റർ - മധു പി. നായർ, പ്രൊഡക്ഷൻ കൺട്രോളർ - അനീഷ് ചീരാൽ, കല - രാകേഷ് ചെറുവടി, ചമയം - സ്റ്റെഫി രൂപേഷ്, ഡിസൈൻസ് - അനിൽ ചുണ്ടേൽ, പിആർഒ - അജയ് തുണ്ടത്തിൽ.