ബോളിവുഡിലെ ഫാഷൻ ഐക്കനാണ് ജാൻവി കപൂർ. താരത്തിന്‍റെ സാരി ലുക്കുകളെല്ലാം വലിയ ശ്രദ്ധനേടാറുണ്ട്. ഇപ്പോൾ ഫാഷൻ ലോകത്തിന്‍റെ മനം കവരുന്നത് ജാൻവിയുടെ പുത്തൻ ലുക്കാണ്. സാരിക്കൊപ്പം ദുപ്പട്ട അണിഞ്ഞാണ് ജാൻവി പ്രത്യക്ഷപ്പെട്ടത്.

രാം ചരൺ നായകനായി എത്തുന്ന പുതിയ ചിത്രം പെഡ്ഡിയുടെ ട്രെയിലർ ലോഞ്ചിനാണ് താരം ഫാഷൻ പരീക്ഷണവുമായി എത്തിയത്. ഐസ് ബ്ലൂ നിറത്തിലുള്ള ഷിഫോൺ സാരിയാണ് താരം തെരഞ്ഞെടുത്തത്. ഷോൾഡർലസ് ബ്ലൗസിനൊപ്പമാണ് സാരിയുടുത്തത്. മോണോടോൺ ലുക്കിനൊപ്പം ദുപ്പട്ട കൂടി ആയതോടെ കൂടുതൽ മനോഹരമായി.

എന്തായാലും സോഷ്യൽ മീഡിയയിൽ ആരാധകരുടെ മനം കവരുകയാണ് ജാൻവിയുടെ ലുക്ക്. നിരവധി പേരാണ് താരത്തെ പ്രശംസിച്ചുകൊണ്ട് രംഗത്തെത്തിയിരിക്കുന്നത്.