മികച്ച സിനിമയുടെ സൃഷ്ടികൊണ്ട് ചുരുങ്ങിയ കാലയളവിൽ വലിയ പ്രേഷക ശ്രദ്ധ നേടാൻ കഴിഞ്ഞ നിർമ്മാണ കമ്പനിയാണ് മമ്മൂട്ടിയുടെ ഉടമസ്ഥതയിലുള്ള മമ്മൂട്ടി കമ്പനി. റോഷാക്കും നന്പകല് നേരത്ത് മയക്കവുമാണ് മമ്മൂട്ടി കമ്പനി പുറത്തിറക്കിയ ചിത്രങ്ങൾ. കാതല്, കണ്ണൂര് സ്ക്വാഡ് എന്നിവയാണ് ഈ ബാനറിന്റേതായി പുറത്തിറങ്ങാനിരിക്കുന്ന ചിത്രങ്ങളാണ്.
മമ്മൂട്ടി കമ്പനിയുടെ ലോഗോ ആദ്യ ഘട്ടത്തിൽ തന്നെ ചർച്ചയായിരിന്നു. എന്നാൽ ലോഗോയെക്കുറിച്ചുള്ള ഒരു സംശയം പങ്കുവച്ചുകൊണ്ടുള്ള ഒരു പോസ്റ്റ് ഇന്നലെ മലയാളം മൂവി ആന്ഡ് മ്യൂസിക് ഡേറ്റാബേസ് (എം3ഡിബി) എന്ന ഫെയ്സ്ബുക്ക് ഗ്രൂപ്പില് ചര്ച്ചയായിരുന്നു. ഏതോ ഇമേജ് ബാങ്കില് നിന്ന് എടുത്ത ഡിസൈനില് മമ്മൂട്ടി കമ്പനി എന്ന പേര് ആഡ് ചെയ്യുക മാത്രമാണ് പ്രസ്തുത ലോഗോയില് ചെയ്തിട്ടുള്ളതെന്നായിരുന്നു എന്നായിരുന്നു ഗ്രൂപ്പിൽ വന്ന നിരീക്ഷണം. സമാനമായ മറ്റു ചില ഡിസൈനുകള് പങ്കുവച്ചുകൊണ്ടുള്ളതായിരുന്നു പോസ്റ്റ്.
ചര്ച്ചയുടെ ഗൗരവം തിരിച്ചറിഞ്ഞ് നിലവിലെ ലോഗോ പിന്വലിച്ചിരിക്കുകയാണ് മമ്മൂട്ടി കമ്പനി. ഇതിന്റെ ഭാഗമായി തങ്ങളുടെ സോഷ്യല് മീഡിയ ഹാന്ഡിലുകളില് നിന്ന് ലോഗോ മാറ്റിയിട്ടുണ്ട് മമ്മൂട്ടി കമ്പനി.
"കാലത്തിന്റെ മാറ്റത്തിനനുസരിച്ച് നിലകൊള്ളുകയെന്ന വിശാല ലക്ഷ്യത്തിന്റെ ഭാഗമായി ഞങ്ങളുടെ ലോഗോ ഒരു റീ-ബ്രാന്ഡിംഗിലൂടെ കടന്നുപോകും. ഞങ്ങളുടെ ഭാഗത്തുനിന്ന് സംഭവിച്ച മനപൂര്വ്വമല്ലാത്ത ഒരു അശ്രദ്ധയെ ശ്രദ്ധയില് പെടുത്തിയവര്ക്ക് വലിയ നന്ദി"- ലോഗോ പിന്വലിച്ചുകൊണ്ടുള്ള കുറിപ്പില് മമ്മൂട്ടി കമ്പനി അറിയിച്ചു.