അല്ലു അർജുന്‍റെ പുഷ്പ അവതാരം വീണ്ടുമെത്തുന്നു. പുഷ്പ ദ റൈസിന്‍റെ രണ്ടാം ഭാഗത്തിന്‍റെ പ്രവർത്തനങ്ങൾ പുരോഗമിക്കുകയാണെന്ന വാർത്തകളുണ്ടായിരുന്നു. ഇപ്പോഴിതാ പുഷ്പ ദ റൂളിന്‍റെ വീഡിയോ പുറത്തുവിട്ടിരിക്കുന്നു അണിയറ പ്രവർത്തകർ. അല്ലു അർജുന്‍റെ പിറന്നാളിനോടനുബന്ധിച്ചാണ് വീഡിയോ റിലീസ് ചെയ്തിരിക്കുന്നത്.

ആരാധകരെ ആവേശത്തിലാഴ്ത്തുന്ന വീഡിയോ ആണു പുറത്തുവന്നിരിക്കുന്നത്. ചന്ദനക്കടത്തുകാരനായ പുഷ്പയുടെ തിരിച്ചുവരവാണ് വീഡിയോയിലുള്ളത്. രശ്മിക മന്ദാനയാണു നായിക. മൈത്രി മൂവി മേക്കേഴ്സാണു ചിത്രം നിർമിക്കുന്നത്. സുകുമാറാണു ചിത്രത്തിന്‍റെ രചനയും സംവിധാനവും. ചിത്രത്തിൽ ഫഹദ് ഫാസിലും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.