ചെറിയ വേഷങ്ങളിലൂടെ മലയാളികൾക്ക് പ്രിയങ്കരനായ നടനാണ് ഉണ്ണി നായർ. സ്വതസിദ്ധമായ അഭിനയ ശൈലി തന്നെയാണ് അദ്ദേഹത്തെ വ്യത്യസ്തനാക്കുന്നത്. അപ്പോൾ സോഷ്യൽ മീഡിയയിൽ വൈറലാവുന്നത് ഉണ്ണി നായരുടെ ഒരു വിഡിയോ ആണ്.

ഫുട്ബോൾ പ്രേമികൾക്ക് ഏറെ പ്രിയങ്കരനായ ഇറ്റാലിയൻ മുൻ റഫറി കോളീനയുമായി ഉണ്ണി നായർക്കുള്ള സാമ്യത്തേക്കുറിച്ചായിരുന്നു ചോദ്യം. ഒരു സിനിമയുടെ പ്രിവ്യൂ ഷോയിൽ പങ്കെടുക്കാൻ എത്തിയപ്പോഴാണ് കൊളീനയെ പോലുയുണ്ടല്ലോ എന്ന് ഓൺലൈൻ മാധ്യമപ്രവർത്തകൻ ചോദിച്ചത്. ഇതിന് രസകരമായാണ് അദ്ദേഹം പ്രതികരിച്ചത്.

'ഒരാളെ പോലെ ഒൻപത് പേരുണ്ടാകുമെന്ന് പറയാറില്ലേ. അല്ലാതെ ഞാനെന്ത് കാട്ടാനാ. ചിലപ്പോൾ എന്റെ അച്ഛൻ ഇനി ആ വഴിയ്ക്ക് പോയോ എന്ന് എനിക്കറിയില്ല'- എന്നായിരുന്നു അദ്ദേഹത്തിന്‍റെ മറുപടി. ഈ വിഡിയോ സോഷ്യൽ മീഡിയയിൽ ഹിറ്റാകുകയായിരുന്നു. നിരവധി പേരാണ് വിഡിയോയ്ക്ക് താഴെ കമന്‍റുകളുമായി എത്തിയത്.