വിജയ് സേതുപതിയുടെ അന്പതാമത് ചിത്രമായ മഹാരാജയുടെ ചിത്രീകരണം ഏറെക്കുറെ പൂര്ത്തിയായി. ചിത്രത്തില് ബോളിവുഡ് സംവിധായകനും നടനുമായ അനുരാഗ് കശ്യപാണു പ്രതിനായക വേഷത്തില് എത്തുന്നത്. സംവിധാനം നിതിലന് സ്വാമിനാഥൻ. ഇരട്ടവേഷത്തിലാണ് വിജയ് സേതുപതി ചിത്രത്തിൽ എത്തുന്നത്.
റിവെഞ്ച് ത്രില്ലര് വിഭാഗത്തില്പ്പെടുന്നതാണു ചിത്രം. ഇമൈക്ക നൊടികള് എന്ന ചിത്രത്തിന് ശേഷം വിജയ് സേതുപതിയും അനുരാഗ് കശ്യപും ഒന്നിക്കുന്ന ചിത്രമാണിത്. കാന്താര എന്ന സൂപ്പര്ഹിറ്റ് ചിത്രത്തിന്റെ സംഗീത സംവിധായകനായ അജനേഷ് ലോകനാഥ് ആണ് മഹാരാജയുടെ സംഗീതം.
ചിത്രത്തിന്റെ പകുതിയില് കൂടുതല് ഭാഗങ്ങളുടെ ചിത്രീകരണം പൂര്ത്തിയായി. ഇനി 35 ദിവസത്തെ ചിത്രീകരണമാണ് അവശേഷിക്കുന്നത്. ഈ വര്ഷം അവസാനമാണ് മഹാരാജ തിയേറ്ററുകളില് എത്തുന്നത്.