തിരുവനന്തപുരം: ജീവിതത്തിന്‍റെ പരിച്ഛേദമാണ് സിനിമയും ഫുട്ബോളുമെന്ന് എ.പി. ശശിധരൻ അഭിപ്രായപ്പെട്ടു. വടകര കളിക്കളം ഹാളിൽ നടന്ന പയസ്വിനിയുടെ അക്ഷരനിർഝരി എന്ന പ്രതിമാസ പരിപാടിയിൽ ഫുട്ബോളും സിനിമയും എന്ന വിഷയം അവതരിപ്പിച്ച് സംസാരിക്കുകയായിരുന്നു എഴുത്തുകാരനും പ്രഭാഷകനുമായ ശശിധരൻ. കയറ്റിറക്കങ്ങളും യാദൃച്ഛികതളും രണ്ടിലും സുലഭമാണെന്നും അദ്ദേഹം പറഞ്ഞു.

ചടങ്ങിൽ എം.സി. സുരേഷ് അധ‍്യക്ഷത വഹിച്ചു. ഡോ. എം. മുരളീധരൻ, എടയത്ത് ശ്രീധരൻ, കെ.പി. സുനിൽകുമാർ, പ്രശാന്ത് കൃഷ്ണൻ എന്നിവർ സംസാരിച്ചു.