ചങ്ങനാശേരി: തെങ്ങണ ഇൻഡസ്ട്രിയൽ എസ്റ്റേറ്റിൽ നിന്നും 1.41 കിലോഗ്രാം കഞ്ചാവുമായി അസം സ്വദേശി പിടിയിൽ. മുപ്പത്തിയഞ്ചുകാരനായ അസിം ചങ്മയ് ആണ് അറസ്റ്റിലായത്.

ഇയാളുടെ പക്കൽ നിന്നും കഞ്ചാവിനൊപ്പം കഞ്ചാവ് ചുരുട്ടി വലിക്കാനുപ‍യോഗിക്കുന്ന ഉപകരണങ്ങളും പതിനായിരത്തിലധികം രൂപ കണ്ടെത്തി. ഓൺലൈൻ വഴിവാങ്ങിയിരുന്ന ഈ ഉപകരണങ്ങൾ ഉൾപ്പെടെയാണ് ഇയാൾ കഞ്ചാവ് വിറ്റത്.

കോട്ടയം എക്സൈസ് സ്പെഷ്യൽ സ്ക്വാഡ് ഇൻസ്പെക്‌ടർ എം. നൗഷാദിന് ലഭിച്ച രഹസ്യവിവരത്തിന്‍റെ അടിസ്ഥആനത്തിലാണ് റെയ്ഡ്. ചങ്ങനാശേരി കോടതിയിൽ ഹാജരാക്കിയ പ്രതിയെ റിമാൻഡു ചെയ്തു.