ഉത്തർപ്രദേശ്: കാൺപൂരിൽ 5 വയസുകാരിയെ ബലാത്സംഗം ചെയ്തതിന് 7 വയസുകാരനെതിരെ കേസ്. ഉത്തർപ്രദേശിലെ കാൺപൂർ ദേഹാത് ജില്ലയിൽ ഞായറാഴ്ച രാത്രിയാണ് സംഭവം.
കളിക്കാന് പോയ മകളെ ലൈംഗികമായി ഉപദ്രവിക്കപ്പെട്ടതായി 5 വയസുകാരിയുടെ അമ്മ പൊലീസിനെ സമീപിക്കുകയായിരുന്നു. ഇതിന്റെ അടിസ്ഥാനത്തിൽ 7 വയസുകാരനെതിരെ അക്ബർപൂർ പൊലീസ് കേസെടുത്തു.
2 കുട്ടികളെയും ജില്ലാ ആശുപത്രിയിൽ പരിശോധനയ്ക്ക് അയക്കുകയും മെഡിക്കൽ റിപ്പോർട്ടിൽ ബലാത്സംഗം നടന്നതായി സ്ഥിരീകരിക്കുകയും ചെയ്തു. പെൺകുട്ടിയുടെ അമ്മയുടെ പരാതിയിൽ ഐപിസി സെക്ഷൻ 376, പോക്സോ ആക്ട് എന്നിവ പ്രകാരം പൊലീസ് ചൊവ്വാഴ്ച എഫ്ഐആർ രജിസ്റ്റർ ചെയ്തു.
കുട്ടി ഉൾപ്പെട്ട കേസായതിനാൽ ജാഗ്രതയോടെയാണ് ഈ കേസ് കൈകാര്യം ചെയ്യുന്നതെന്ന് ഇൻസ്പെക്ടർ സതീഷ് സിംഗ് പറഞ്ഞു. 7 വയസ്സിന് താഴെയുള്ള ഒരു കുട്ടി കുറ്റകൃത്യം ചെയ്താൽ അത് ക്രിമിനൽ കുറ്റകൃത്യത്തിന്റെ വിഭാഗത്തിൽ പെടുത്താനാകില്ലെങ്കിലും നിയമോപദേശം ലഭിച്ച ശേഷം കേസിൽ തുടർനടപടി സ്വീകരിക്കൂമെന്നും എഫ്ഐആർ രജിസ്റ്റർ ചെയ്തതെന്നും അദ്ദേഹം പറഞ്ഞു.