അതിരപ്പിള്ളിയിൽ 40 ലിറ്റർ വിദേശ മദ്യം ജീപ്പിൽ കടത്തിക്കൊണ്ടു വന്നു; ഒരാൾ അറസ്റ്റിൽ
തൃശൂർ: വിൽപ്പനയ്ക്കായി 40 ലിറ്റർ ഇന്ത്യൻ നിർമിത വിദേശമദ്യം ജീപ്പിൽ കടത്തിക്കൊണ്ടു വന്ന ചാലക്കുടി സ്വദേശിയെ എക്സൈസ് അറസ്റ്റ് ചെയ്തു. ചാലക്കുടി സ്വദേശി രമേശിനെയാണ് (52) എക്സൈസ് പിടികൂടിയത്.
അതിരപ്പിള്ളി പഞ്ചായത്തിലെ വിവിധ ആദിവാസി ഉന്നതികളിൽ അനധികൃത വിൽപ്പന നടത്താനായിരുന്നു പദ്ധതി. ചാലക്കുടി റേഞ്ച് എക്സൈസ് ഇൻസ്പെക്ടർ ഹരീഷിന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്.