ന്യൂഡൽഹി: ഡൽഹിയിൽ നിന്ന് ന്യൂയോർക്കിലേക്ക് പോവുകയായിരുന്ന അമേരിക്കന്‍ എയർലൈസ് വിമാനത്തിൽ ഇന്ത്യക്കാരന്‍ സഹയാത്രികന്‍റെ ദേഹത്ത് മൂത്രമൊഴിച്ചതായി പരാതി.

മദ്യപിച്ചെത്തിയ ഇയാൾ തർക്കത്തിനിടെ സഹയാത്രികന്‍റെ മേൽ മൂത്രമൊഴിച്ചെന്നാണ് റിപ്പോർട്ട്. ഞായറാഴ്ച രാത്രി 9 മണിയോടെ അമേരിക്കന്‍ എയർലൈന്‍സിന്‍റെ എഐ 292 വിമാനത്തിലാണ് സംഭവം. തുടർന്ന് വിമാനം ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ ഇറക്കിയ ശേഷം യാത്രക്കാരനെ അറസ്റ്റ് ചെയ്യുകയായിരുന്നു.

മൂത്രം ദേഹത്തായ യാത്രക്കാരൻ എയർലൈനിൽ ഔദ്യോഗികമായി പരാതി നൽകിയതായാണ് റിപ്പോർട്ടുകൾ. സംഭവസമയത്ത് വിമാനത്തിലുണ്ടായിരുന്ന മറ്റ് യാത്രക്കാരുടെ മൊഴി രേഖപ്പെടുത്തിയതായും ഇയാളെ അറസ്റ്റ് ചെയ്തത് എഫ്ഐആറും രജിസ്റ്റർ ചെയ്തതായും ഏവിയേഷൻ റെഗുലേറ്ററി ഡിജിസിഎ അറിയിച്ചു.