തിരുവനന്തപുരം: സാമൂഹിക മാധ്യമം വഴി പരിചയപ്പെട്ട പ്രായപൂർത്തിയാകാത്ത കുട്ടിയെ പീഡിപ്പിച്ച പ്രതി അറസ്റ്റിൽ. വലിയറത്തല സിഎസ്ഐ ചർച്ചിനു സമീപം ചെറുവിളാകത്ത് വീട്ടിൽ ജിഷ്ണു (24) ആണ് അറസ്റ്റിലായത്.
പെൺകുട്ടി നൽകിയ പരാതിയെ തുടർന്നാണ് പൊലീസ് പ്രതിയെ കസ്റ്റഡിയിലെടുത്തത്. ഇൻസ്പെക്ടർ സുജിത്ത്, എസ്ഐമാരായ വിപിൻ, ദിവ്യ, സിപിഒമാരായ ഹരീഷ്, ഉണ്ണികൃഷ്ണൻ എന്നിവരുടെ നേതൃത്വത്തിലാണ് അറസ്റ്റ്. പ്രതിയെ റിമാൻഡ് ചെയ്തു.