കൊല്ലം: കൊല്ലത്ത് യുവാവിനെ ദുരൂഹ സഹചര്യത്തിൽ മരിച്ചനിലയിൽ കണ്ടെത്തി. കൊല്ലം ചിതറ ചല്ലിമുക്ക് സൊസൈറ്റിമുക്കിലാണ് 21 കാരനായ ആദർശിനെ ദുരൂഹ സാഹചര്യത്തിൽ മരിച്ചനിലയിൽ കണ്ടെത്തിയത്. സംഭവത്തിൽ അച്ഛനും അമ്മയും സഹോദരനും പൊലീസ് കസ്റ്റഡിയിലായി. കൊലപാതകമെന്നാണ് സംശയം.

യുവാവിന്‍റെ കഴുത്തിൽ കയറിട്ട് മുറുക്കിയ പാടുകൾ കണ്ടെത്തിയിട്ടുണ്ട്.വീടിനുളളിൽ അടുക്കളയോട് ചേർന്നുളള മുറിയിലാണ് മൃതദേഹം കണ്ടത്. ആദർശ് ഇന്നലെ അടുത്ത വീട്ടിലെത്തി മദ്യപിച്ച് ബഹളമുണ്ടാക്കിയിരുന്നു. തുടർന്ന് വീട്ടുകാരും ആദർശുമായി തർക്കങ്ങൾ ഉണ്ടായിരുന്നു. ഇതിനെ തുടർന്നാണ് കൊലപാതകമെന്നാണ് വിവരം.