കണ്ണൂർ: അഞ്ചരകണ്ടി ഡെന്‍റൽ കോളെജിലെ ബിഡിഎസ് വിദ്യാർഥിയായിരുന്ന നിതിൻ രാജിന്‍റെ മരണവുമായി ബന്ധപ്പെട്ട ലോൺ ആപ്പു കേസിലെ പ്രധാന പ്രതി അറസ്റ്റിൽ. ഉത്തർപ്രദേശ് സ്വദേശിയായ സൗരവ് എന്നയാളാണ് അറസ്റ്റിലായിരിക്കുന്നത്.

ഡൽഹിയിൽ വച്ച് കണ്ണൂർ ക്രൈംബ്രാഞ്ച് ഇൻ‌സ്പെക്റ്റർ ശ്രീജിത്ത് കോടേരി പ്രതിയെ അറസ്റ്റ് ചെയ്യുകയായിരുന്നു. ഹരിയാന സ്വദേശി ജയ്പ്രകാശ്, ഉത്തർ പ്രദേശ് സ്വദേശി പ്രശാന്ത് കേവൽ, ഋഷികേശ് തിവാരി എന്നിവർ കേസുമായി ബന്ധപ്പെട്ട് നേരത്തെ തന്നെ പിടിയിലായിരുന്നു. ഏപ്രിൽ പത്തിനായിരുന്നു നിതിൻ രാജ് കോളെജ് കെട്ടിടത്തിൽ നിന്നും വീണ് മരണപ്പെട്ടത്.