തൃശൂർ: പോക്സോ കേസിൽ പ്രതിക്ക് 7 വർഷം കഠിന തടവും 60,000 രൂപ പിഴയും ശിക്ഷ വിധിച്ച് കോടതി. കൊടകര സ്വദേശി ശിവനെയാണ് (54) ഇരങ്ങാലക്കുട അതിവേഗ സ്പെഷ‍്യൽ കോടതി ശിക്ഷിച്ചത്. പിഴയൊടുക്കാത്ത പക്ഷം ഒരു വർഷവും 3 മാസവും അധിക തടവ് അനുഭവിക്കണം.

2020ലായിരുന്നു കേസിനാസ്പദമായ സംഭവം. ബന്ധുവീട്ടിൽ ടിവി കണ്ടുകൊണ്ടിരിക്കുകയായിരുന്ന 11 വയസുകാരിയെ വീട്ടിൽ അതിക്രമിച്ച് കയറി പീഡിപ്പിച്ചുവെന്നാണ് കേസ്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.