കോഴിക്കോട്: ബീച്ചിൽ ഫുട്ബോൾ കളിക്കുന്നതിനിടെ രണ്ടു കുട്ടികളെ കടലിൽ കാണാതെയായി. ഒളവണ്ണ സ്വദേശികളായ മുഹമ്മദ് ആദിൽ (18), ആദിൽ ഹസ്സൻ (16) എന്നിവരെയാണ് കാണാതായത്. പൊലീസും അഗ്നിരക്ഷാസേനയും മത്സ്യത്തൊഴിലാളികളും തെരച്ചിൽ നടത്തുന്നു.
ഞായറാഴ്ച രാവിലെ എട്ടരയോടെയാണ് സംഭവം. ബീച്ചിനടുത്ത് കളിക്കുകയായിരുന്ന അഞ്ചംഗസംഘത്തിലെ രണ്ടു പേരെയാണ് കാണാതായത്. പന്ത് തിരയിൽ വീണത് എടുക്കാൻ പോകുന്നതിനിടെയാണ് അപകടം. മൂന്നുപേരാണ് തിരയിൽ അകപ്പെട്ടത്. ഇതിൽ ഒരാളെ രക്ഷപെടുത്തി.