കളമശേരി പോളി കഞ്ചാവ് കേസ്; പ്രതികളായ 4 വിദ്യാർഥികളെയും കോളെജ് പുറത്താക്കി
കൊച്ചി: കളമശേരി പോളിടെക്നിക് കഞ്ചാവ് കേസിൽ 4 വിദ്യാർഥികളെ കോളെജ് പുറത്താക്കി. ആകാശ്, ആദിത്യൻ, അഭിരാജ്, അനുരാജ് എന്നിവരെയാണ് പുറത്താക്കിയത്.
ആഭ്യന്തര അന്വേഷണ റിപ്പോർട്ടിന്റെ അടിസ്ഥാനത്തിലാണ് നടപടി. വിദ്യാർഥികൾക്ക് സ്വഭാവ സർട്ടിഫിക്കറ്റ് നൽകില്ലെന്നും കോളെജ് അധികൃതർ വ്യക്തമാക്കി.
ഒരു മാസം മുമ്പാണ് പോളിയിൽ 4 വിദ്യാർഥികളെയും പൂർവ വിദ്യാർഥികളെയും കഞ്ചാവുമായി പിടികൂടിയത്. കഞ്ചാവ് സൂക്ഷിക്കുകയും വിൽപ്പന നടത്തുകയും ചെയ്തിരുന്നുവെന്ന് പൊലീസ് കണ്ടെത്തിയിരുന്നു.
വിദ്യാർഥികളെ പ്രത്യേകമായി പരീക്ഷ എഴുതിക്കാൻ കോടതി അനുമതി നൽകിയിരുന്നു. പരീക്ഷ ഫലം തടഞ്ഞു വയ്ക്കുന്ന കാര്യത്തിൽ ഉടൻ തീരുമാനമെടുക്കുമെന്നും കോളെജ് അധികൃതർ വ്യക്തമാക്കി.