കൊല്ലം: നടനും സംവിധായകനുമായ ഇ.എ. രാജേന്ദ്രൻ അന്തരിച്ചു. പട്ടത്താനത്തെ വസതിയിൽ ആയിരുന്നു അന്ത്യം. ഏറെ നാളായി അസുഖബാധിതനായി ചികിത്സയിലായിരുന്നു.

വെള്ളിയാഴ്ച തൃശൂർ തൃത്തല്ലൂരിലാണ് സംസ്കാരം. നടനും എംഎൽഎയുമായ മുകേഷിന്‍റെ സഹോദരീഭർത്താവാണ്. നിരവധി സിനിമകളിലൂടെ‍യും ടെലിവിഷൻ പരിപാടികളിലൂടെയും ശ്രദ്ധേയനാണ്.

കളിയാട്ടം, പട്ടാഭിഷേകം, തച്ചിലേടത്ത് ചുണ്ടൻ, നരസിംഹം, മീശമാധവന്‍ എന്നിവയുൾപ്പെടെ നിരവധി സിനിമകളിൽ ശ്രദ്ധേയമായ റോളുകൾ അഭിനയിച്ചു.

നാടകരംഗത്തുനിന്നാണ് രാജേന്ദ്രൻ സിനിമയിലെത്തുന്നത്. ഒ. മാധവന്‍റെ മരണശേഷം കാളിദാസ കലാകേന്ദ്രത്തിന്‍റെ നാടകങ്ങൾ സംവിധാനം ചെയ്തിരുന്നത് ഇ.എ. രാജേന്ദ്രനായിരുന്നു.