തിരുവനന്തപുരം: നവകേരള യാത്രയ്ക്കിടെ യൂത്ത് കോൺഗ്രസ് പ്രവർത്തകർ അന്നത്തെ മുഖ‍്യമന്ത്രിയായിരുന്ന പിണറായി വിജയന്‍റെ ഗൺമാൻമാർ മർദിച്ച സംഭവത്തിൽ തിരിച്ചറിയൽ പരേഡ് നടത്തും.

എ.ഡി. തോമസ് എംഎൽഎ, അജയ് ജൂവൽ കുര‍്യാക്കോസ്, കേസിലെ സാക്ഷികൾ എന്നിവരെ വിളിച്ചു വരുത്തി ക്രൈംബ്രാഞ്ച് ഓഫിസിലായിരിക്കും തിരിച്ചറിയൽ പരേഡ് നടത്തുക.

പ്രതികളെ പൊലീസ് മർദനം നടന്ന സ്ഥലത്ത് വച്ച് തെളിവെടുപ്പ് നടത്തിയേക്കും. വെള്ളിയാഴ്ച തന്നെ തെളിവെടുപ്പ് നടക്കുമെന്നാണ് റിപ്പോർ‌ട്ടുകൾ. മുഖ‍്യമന്ത്രിയും മറ്റു മന്ത്രിമാരും സഞ്ചരിച്ച വാഹനം ആലപ്പുഴ ജനറൽ ആശുപത്രിക്ക് അടുത്തെത്തിയപ്പോഴാണ് യൂത്ത് കോൺഗ്രസ് പ്രവർത്തകർ കരിങ്കൊടി കാണിച്ചതും ഗൺമാൻമാർ മർദിച്ചതും. കേസിൽ പ്രതികളായ 5 പേർക്കും കഴിഞ്ഞ ദിവസം കോടതി മുൻകൂർ ജാമ‍്യം അനുവദിച്ചിരുന്നു.