കോട്ടയം: ക്രൈസ്തവ സന്യാസി സമൂഹത്തിൻ്റെ നിസ്വാർത്ഥ സേവനങ്ങളെ അവഹേളിക്കാനും സമൂഹമധ്യത്തിൽ അവരെ ദുർമാർഗികളായി ചിത്രീകരിക്കുവാനും ഉദ്യമിക്കുന്ന കക്കുകളി എന്ന നാടകത്തിന് പ്രദർശനാനുമതി നിഷേധിക്കണം എന്ന് മലങ്കര അസോസിയേഷൻ സെക്രട്ടറി അഡ്വ ബിജു ഉമ്മൻ.

സാംസ്കാരിക കേരളത്തിന് അപമാനമായ ഇത്തരം പ്രവണതകൾ മുളയിലേ നുള്ളേണ്ടതുണ്ട്. നാടകം അതിജീവനത്തിന്റ കഥയാണ് പറയുന്നതെന്ന് അവകാശപ്പെടുന്നുണ്ടെങ്കിലും തെറ്റിദ്ധാരണയുടെ പുകമറയാണ് യഥാർഥത്തിൽ സൃഷ്ടിക്കുന്നത്. കേരളത്തിലെ ക്രൈസ്തവ സമൂഹം കാലങ്ങളായി പുലർത്തുന്ന സംയമനം ബലഹീനതയായി കാണരുത്. നാടകത്തിന് പ്രദർശനാനുമതി ഇനിയും നൽകരുതെന്നും സാമൂഹിക മാധ്യമങ്ങളിൽ നിന്നും നീക്കം ചെയ്യണമെന്നും അഡ്വ. ബിജു ഉമ്മൻ ആവശ്യപ്പെട്ടു.