കണ്ണൂർ: 19 യാത്രക്കാരുമായി ബംഗളൂരുവിൽ നിന്നു കണ്ണൂരിലേക്കു പുറപ്പെട്ട സ്വകാര‍്യ ബസ് തകരാറിനെത്തുടർന്ന് വഴിയിൽ കുടുങ്ങി. ബംഗളൂരു - മൈസൂരു ഹൈവേയിലാണ് ബസ് കുടുങ്ങിക്കിടക്കുന്നത്.

പകരം മറ്റൊരു വാഹനം ഏർപ്പെടുത്താൻ തയാറാകുന്നില്ലെന്നും, ടിക്കറ്റ് തുക തിരിച്ച് തരാൻ മാത്രമേ സാധിക്കുവെന്നുമാണ് ബസ് ജീവനക്കാരുടെ നിലപാടെന്നുമാണ് യാത്രക്കാർ ആരോപിക്കുന്നത്.

വെള്ളിയാഴ്ച രാവിലെ 9 മണിയോടെയായിരുന്നു ബംഗളൂരുവിൽ നിന്നു ബസ് പുറപ്പെട്ടത്. വെള്ളിയാഴ്ച വൈകീട്ട് 4 മണിക്ക് കണ്ണൂരിൽ എത്തേണ്ടതായിരുന്നു ബസ്.