തിരുവനന്തപുരം: കൊല്ലം സിജെഎം കോടതിക്കും കോഴിക്കോട് മെഡിക്കൽ കോളെജിനുമെതിരേ ബോംബ് ഭീഷണി. തമിഴ്നാട്ടിലെ രാഷ്ട്രീയ സാഹചര‍്യങ്ങൾ ചൂണ്ടിക്കാട്ടി ഇമെയിൽ മുഖേനയാണ് ഭീഷണി സന്ദേശമെത്തിയത്.

സംഭവസ്ഥലത്ത് നിലവിൽ ബോംബ്, ഡോഗ് സ്ക്വാഡുകൾ പരിശോധന നടത്തിവരുകയാണ്. ബുധനാഴ്ച ഉച്ചയ്ക്ക് 1.10ന് മുൻപായി സ്ഫോടനം നടക്കുമെന്നായിരുന്നു കൊല്ലം സിജെഎം കോടതിക്ക് ലഭിച്ച സന്ദേശത്തിൽ പറഞ്ഞിരുന്നത്. കോഴിക്കോട് മെഡിക്കൽ കോളെജ് പ്രിൻസിപ്പലിനായിരുന്നു സന്ദേശം ലഭിച്ചത്.