കൊച്ചി: ജല വിതരണ പൈപ്പ് ലൈൻ പൊട്ടിയതു മൂലം കൊച്ചി നഗരത്തിൽ അടുത്ത രണ്ട് ദിവസം കുടിവെള്ളം മുടങ്ങും. ആലുവയിൽ നിന്ന് തമ്മനം ഭാഗത്തേക്കുള്ള പ്രധാന ജല വിതരണ പൈപ്പ് ലൈനിലാണ് തകരാറ്. കടവന്ത്ര, കലൂർ, കതൃക്കടവ്, ഇടപ്പള്ളി, പോണേക്കര, തമ്മനം, പൊന്നുരുന്നി, പാലാരിവട്ടം, വെണ്ണല, ചേരാനല്ലൂർ അടക്കമുള്ള പ്രദേശങ്ങളിലാണ് വെള്ളം മുടങ്ങുക.

സംസ്കാര ജംഗ്ഷനിലാണ് പൈപ്പ് ലൈനിൽ പൊട്ടൽ കണ്ടെത്തിയിരിക്കുന്നത്. അടുത്ത ദിവസങ്ങളിൽ ഈ പ്രദേശത്തേക്ക് കുടിവെള്ളം വിതരണം ചെയ്യാനാകില്ലെന്നാണ് അറിയിപ്പ്.