തിരുവനന്തപുരം: കോൺഗ്രസ് പുറത്താക്കിയ എ.കെ. ഷാനിബ് ഡിവൈഎഫ്ഐയിൽ ചേരും. വെള്ളിയാഴ്ച തിരുവനന്തപുരത്ത് വച്ച് അംഗത്വം സ്വീകരിക്കും. പാലക്കാട് ഉപതെരഞ്ഞെടുപ്പ് വേളയിൽ കോൺഗ്രസ് സ്ഥാനാർഥിയായി രാഹുൽ മാങ്കൂട്ടത്തിലിനെ തീരുമാനിച്ചതിൽ പ്രതിഷേധിച്ചതിനെത്തുടർന്നാണ് ഷാനിബിനെ കോൺഗ്രസിൽ നിന്നുംപുറത്താക്കിയത്. പിന്നീട് പാലക്കാട് എൽഡിഎഫ് സ്ഥാനാർഥി പി. സരിന് പിന്തുണ പ്രഖ്യാപിച്ചിരുന്നു.

സ്ഥാനാർഥി നിർണയത്തെച്ചൊല്ലി ഗുരുതര ആരോപണങ്ങളാണു പ്രതിപക്ഷ നേതാവ് വി.ഡി. സതീശനും ഷാഫി പറമ്പിൽ എംപിക്കുമെതിരേ ഷാനിബ് ഉയർത്തിയത്. കൂടിയാലോചനകൾ നടത്താതെയായിരുന്നു സ്ഥാനാർഥി നിർണയമെന്നും, തെരഞ്ഞെടുപ്പുമായി ബന്ധപ്പെട്ട് കോൺഗ്രസ് എടുത്ത തിരുമാനങ്ങൾ തെറ്റാണെന്നും വാർത്താസമ്മേളനത്തിലൂടെ ഷാനിബ് പ്രതികരിച്ചിരുന്നു. തുടർന്ന് പാലക്കാട് ഡിസിസി നേതൃത്വമാണ് ഷാനിബിനെതിരേ നടപടിയെടുത്തത്.