ചിന്നക്കനാൽ: ചിന്നക്കനാൽ പഞ്ചായത്തിൽ നാല് മണിക്കൂളോളമായി പടർന്നു പിടിച്ച കാട്ടു തീ യ്ക്ക് ശമനമായി. എല്ലാവർഷവും ഇവിടെ കാട്ടു തീ ഉണ്ടാവാറുണ്ട്. വനം വകുപ്പ് തിരിച്ചിട്ട അതിർത്തിക്കു പുറത്തേക്ക് തീ പടരില്ല എന്നാണ് നാട്ടുകാരുടെ പക്ഷം.

ചിന്നക്കാനാൽ- സൂര്യനെല്ലി വനമേഖലയിലെ പുൽമേടുകളിൽ സ്ഥിരമായി ഈ കാട്ടുതീ ഉണ്ടാകുന്നത് വഴി പുൽമേടുകളിലെ ഉണങ്ങിയ പോതപുല്ല് കരിയുകയും പുതുമഴ പെയ്യുമ്പോൾ ആനകൾക്ക് ഇഷ്ടഭക്ഷണം ആയി പുതിയ പുല്ല് കിളിർക്കുക യും ചെയ്യും എന്നാണ് നാട്ടുകാരായ രാജാമണിയും രാജേന്ദ്രനും പറഞ്ഞത്.

തിങ്കളാഴ്ച മൂന്നരയോടെ തുടങ്ങിയ കാട്ടുതീ രാത്രി ഏഴു മണിയോടെയാണ് ശമിച്ചത്.