കൊ​ച്ചി: ഐ​ടി ജോ​ലി​ക്കാ​ർ​ക്ക് കേ​ര​ള​ത്തി​ലും പ്ര​തി​സ​ന്ധി. കൊ​വി​ഡ് കാ​ല​ത്ത് ഉ​യ​ർ​ന്ന ശ​മ്പ​ള​ത്തോ​ടെ ഐ​ടി പ്രൊ​ഫ​ഷ​ണ​ലു​ക​ളെ റി​ക്രൂ​ട്ട് ചെ​യ്‌​ത പ​ല ക​മ്പ​നി​ക​ളും ഇ​പ്പോ​ൾ സാ​മ്പ​ത്തി​യ മാ​ന്ദ്യം നേ​രി​ടു​ന്നു. ചി​ല ക​മ്പ​നി​ക​ൾ കേ​ര​ള​ത്തി​ൽ പ്ര​വ​ർ​ത്ത​നം അ​വ​സാ​നി​പ്പി​ക്കാ​ൻ ആ​ലോ​ചി​ക്കു​ന്നു​ണ്ട്.

പ്ര​മു​ഖ ഐ​ടി ക​മ്പ​നി​യാ​യ മ​ക്കി​ൻ​സി 250 ജീ​വ​ന​ക്കാ​രോ​ട് രാ​ജി ആ​വ​ശ്യ​പ്പെ​ട്ടു. ക​മ്പ​നി കേ​ര​ള​ത്തി​ലെ പ്ര​വ​ർ​ത്ത​നം അ​വ​സാ​നി​പ്പി​ക്കാ​ൻ പോ​കു​ന്നു എ​ന്നാ​ണ് സൂ​ച​ന. 6 മാ​സം ജീ​വ​ന​ക്കാ​ർ​ക്ക് സ​മ​യം അ​നു​വ​ദി​ച്ചി​ട്ടു​ണ്ട്. ഇ​ന്ത്യ​യി​ൽ നി​ല​വി​ൽ കേ​ര​ള​ത്തി​ൽ മാ​ത്ര​മാ​ണ് പ്ര​വ​ർ​ത്ത​നം അ​വ​സാ​നി​പ്പി​ക്കു​ന്ന​ത്. ടെ​ക്നോ​പാ​ർ​ക്ക് ഫെ​യ്സ്–3 ൽ ​പ്ര​വ​ർ​ത്തി​ക്കു​ന്ന പ​ല സ്ഥാ​പ​ന​ങ്ങ​ളും ജീ​വ​ന​ക്കാ​രു​ടെ എ​ണ്ണം വെ​ട്ടി​ക്കു​റ​യ്ക്കാ​നു​ള്ള ശ്ര​മ​ത്തി​ലാ​ണ്.

1,000ത്തോ​ളം പേ​ർ​ക്ക് തൊ​ഴി​ൽ ന​ഷ്ട​പ്പെ​ട്ടേ​ക്കും. നി​ല​വി​ൽ 70,000 പേ​രാ​ണ് 480 ക​മ്പ​നി​ക​ളി​ലാ​യി ടെ​ക്നോ​പാ​ർ​ക്കി​ൽ ജോ​ലി ചെ​യ്യു​ന്ന​ത്. തൊ​ഴി​ൽ ന​ഷ്ട​പ്പെ​ടു​ന്ന​വ​ർ​ക്ക് മാ​ന്യ​മാ​യ ന​ഷ്ട​പ​രി​ഹാ​രം ഉ​റ​പ്പാ​ക്കു​ന്ന​തി​ന് നി​യ​മ ന​ട​പ​ടി സ്വീ​ക​രി​ക്കു​മെ​ന്ന് ടെ​ക്നോ​പാ​ർ​ക്കി​ലെ ജീ​വ​ന​ക്കാ​രു​ടെ സം​ഘ​ട​ന​ക​ൾ അ​റി​യി​ച്ചു.

സാ​മ്പ​ത്തി​ക പ്ര​തി​സ​ന്ധി​യെ തു​ട​ർ​ന്ന് രാ​ജ്യാ​ന്ത​ര ത​ല​ത്തി​ലും വ​ൻ​കി​ട ക​മ്പ​നി​ക​ളി​ൽ കൂ​ട്ട പി​രി​ച്ചു​വി​ട​ൽ വ്യാ​പ​ക​മാ​ണ്. യു​എ​സ് ടെ​ക് ക​മ്പ​നി​ക​ളാ​യ ​ഗൂ​​ഗു​ളി​ൽ, ആ​മ​സോ​ൺ, മെ​റ്റ‌, മൈ​ക്രോ​സോ​ഫ്‌​റ്റ് തു​ട​ങ്ങി ടെ​ക് ക​മ്പ​നി​ക​ളി​ൽ നി​ന്നും ആ​യി​ര​ക്ക​ണ​ക്കി​ന് ആ​ളു​ക​ളെ​യാ​ണ് പി​രി​ച്ചു​വി​ട്ട​ത്.