ബംഗളൂരു: ഷിരൂരിലെ മണ്ണിടിച്ചിലില് പെട്ട് മരിച്ച മലയാളി ലോറി ഡ്രൈവര് അര്ജുന്റെ കുടുംബത്തിനു ധനസഹായം പ്രഖ്യാപിച്ച് കര്ണാടക സര്ക്കാര്. 5 ലക്ഷം രൂപയാണ് കുടുംബത്തിന് കര്ണാടക സര്ക്കാര് ആശ്വാസ ധനം പ്രഖ്യാപിച്ചിരിക്കുന്നത്. ഡിഎന്എ പരിശോധനയില് മൃതദേഹം അര്ജുന്റേതെന്ന് സ്ഥിരീകരിച്ചിരുന്നു. മൃതദേഹം ബന്ധുക്കള്ക്ക് കൈമാറി.
ശനിയാഴ്ച രാവിലെ ആറുമണിയോടെ മൃതദേഹം വീട്ടിലെത്തിക്കും. വീട് വരെ കര്ണാടക പൊലീസ് ആംബുലന്സിനെ അനുഗമിക്കും. അപകടം നടന്ന സ്ഥലത്ത് ആംബുലന്സ് അഞ്ചു മിനിറ്റ് നിര്ത്തിയിടും. കാര്വാര് എംഎല്എ സതീഷ് സെയില് ആണ് ആംബുലന്സിനെ അനുഗമിക്കുന്നത്. മുഖ്യമന്ത്രിയുടെ ഓഫീസില് നിന്ന് അനുമതി കിട്ടിയാല് കാര്വാര് എസ്പി എം നാരായണ കൂടി മൃതദേഹത്തെ അനുഗമിക്കും.
72 ദിവസം നീണ്ട തെരച്ചിലിനൊടുവിലാണ് അർജുന്റെ മൃതദേഹം കണ്ടെത്തിയത്. ജൂൺ 16 നായിരുന്നു ഷിരൂരിൽ കനത്ത മഴയെ തുടർന്നുണ്ടായ മണ്ണിടിച്ചിലിൽ അർജുനേയും ലേറിയേയും കണാതായത്. നിരവധി പ്രതിസന്ധികള്ക്കിടയിലും കര്ണാടക സര്ക്കാരിന്റേയും കേരളത്തിന്യുംറേ നിരന്തര ശ്രമങ്ങള്ക്കൊടുവിലാണ് മൃതദേഹം കണ്ടെത്തിയത്.