കാഞ്ഞങ്ങാട്: കാസർഗോഡ് 10 വയസുകാരിയെ തട്ടിക്കൊണ്ടുപോയി പീഡിപ്പിച്ച കേസിൽ 4 പേർ പൊലീസ് കസ്റ്റഡിയിലുള്ളതായി വിവരം. പ്രദേശത്തെ സിസിടിവി ദൃശ്യങ്ങൾ പരിശോധിച്ചതിൽ നിന്നും സംശയം തോന്നിയ 4 പേരെ പൊലീസ് കസ്റ്റഡിയിലെടുക്കുകയായിരുന്നു. ഇവരിലൊരാളാണ് പ്രതിയെന്നാണ് പൊലീസ് നിഗമനം.
ഡിഐജി നേരിട്ടെത്തിയ ശേഷമാവും പ്രതിയെ സംബന്ധിച്ചുള്ള വിശദാംശങ്ങൾ പുറത്തുവിടുക. കേസുമായി ബന്ധപ്പെട്ട് ഇതുവരെ 75-ഓളം സി.സി.ടി.വി. ദൃശ്യങ്ങളാണ് പോലീസ് പരിശോധിച്ചത്. കാഞ്ഞങ്ങാട്, പടന്നക്കാട്, ഹോസ്ദുര്ഗ് പരിധിയിലെ ഇരുന്നൂറോളം വീടുകളിൽ പൊലീസ് പരിശോധന നടത്തിയിരുന്നു.