തഞ്ചാവൂർ: തൃശൂരിൽ നിന്നും വേളാങ്കണി തീർത്ഥാടനത്തിന് പോയ ബസ് അപകടത്തിൽ പെട്ട് 4 മരണം. 51 പേരുണ്ടായിരുന്ന ബസിൽ 40 ഓളം പേർക്ക് പരിക്കേറ്റു. അപകടത്തിൽ 2 സ്ത്രീകളും കുട്ടികളുമാണ് മരിച്ചത്.

ഇന്ന് പുലർച്ചെ 4 മണിയോടെയാണ് സംഭവം. നാഗപട്ടണം മന്നാർകുടി ഒറത്തുനാടിന് സമീപം വളവ് തിരിയുന്നതിനിടെ ബസ് മറിയുകയായിരുന്നു. അപകടത്തിൽ ബസ് ജീവനക്കാരനും ഗുരുതരമായി പരിക്കേറ്റതായാണ് റിപ്പോർട്ട്.

പരിക്കറ്റവരെ അടുത്തുള്ള വിവിധ ആശുപത്രികളിലായി പ്രവേശിപ്പിച്ചു. ഇന്നലെ രാത്രി 7 മണിയോടെയാണ് സംഘം വേളാങ്കണിയിലേക്ക് യാത്ര തിരിച്ചത്. ബസ് ഡ്രൈവർ ഉറങ്ങിപോയതാകാം അപകടത്തിന് കാരണം എന്നാണ് പ്രഥാമിക നിഗമനം.