കൊച്ചി: കളമശ്ശേരിയില് അമിതവേഗത്തിലെത്തിയ കാറിടിച്ച് യുവാവിന് ദാരുണാന്ത്യം. ഇടുക്കി സ്വദേശി സല്മാന് അസീസ് (20) ആണ് മരിച്ചത്. വെള്ളിയാഴ്ച ഉച്ചയ്ക്ക് രണ്ടു രണ്ടുമണിയോടെയായിരുന്നു അപകടം.
എറണാകുളത്ത് നിന്നും ആലുവയിലേക്ക് പോവുകയായിരുന്ന കാർ സിഗ്നൽ തെറ്റിച്ചെത്തി സല്മാന്റെ സ്കൂട്ടറില് ഇടിക്കുകയായിരുന്നു. ഇടിയുടെ ആഘാതത്തില് സല്മാന് റോഡിലേക്ക് തെറിച്ച് വീണു.
നിയന്ത്രണം വിട്ട കാർ പ്രധാന റോഡില് നിന്നും മാറി മറ്റൊരു സ്കൂട്ടറിൽ ഇടിച്ചുമറിഞ്ഞു. കാറിൽ സഞ്ചരിച്ചിരുന്ന കുടുംബത്തിനും സാരമായി പരുക്കേറ്റിട്ടുണ്ട്.